Qashqadaryodagi YPX maskanida 21 ming dona pirotexnika vositalari olib ketayotgan shaxs ushlandi

Qashqadaryo viloyati Kitob tumanida joylashgan YPX maskanida 21 ming dona pirotexnika vositalari olib ketayotgan shaxs ushlangan. Bu haqda viloyat IIB axborot xizmati xabar bermoqda.

Ma'lum qilinishicha, viloyat IIB YHXB xodimlari tomonidan o‘tkazilayotgan nazorat reyd tadbirlari davomida “Mingchinor” YPX maskanida fuqaro S.I.ga tegishli bo‘lgan “Neksiya” rusumli mashina shubha uyg‘otgan.

Mashina to‘xtatib tekshirilgan vaqtda uning salonida 350 qutida 21000 dona pirotexnika vositalari borligi aniqlangan. Mazkur pirotexnika vositalari tegishli tartibda hujjatlashtirib olingan va Kitob tumani IIBga topshirilgan.

Hozirda holat yuzasidan Kitob tumani IIB tomonidan surishtiruv olib borilmoqda.