Islom sivilizatsiyasi markazini rivojlantirish jamg‘armasi tashkil etildi

Hukumat qarori bilan Vazirlar Mahkamasi huzuridagi Islom sivilizatsiyasi markazini rivojlantirish jamg‘armasi to‘g‘risidagi nizom tasdiqlandi.

Foto: Islom sivilizatsiyasi markazi

Adliya vazirligi xabariga ko‘ra, quyidagilar jamg‘arma mablag‘larini shakllantirishning asosiy manbalari hisoblanadi:

xorijiy (xalqaro) moliya institutlari va boshqa xorijiy donorlarning texnik ko‘mak mablag‘lari va grantlari;
homiylik xayriyalari;
prezident yoki hukumat qarorlariga muvofiq ajratiladigan davlat budjeti mablag‘lari;
taqiqlanmagan boshqa manbalar.

Mablag‘lar quyidagilar uchun sarflanadi:

ilmiy adabiyotlarni yaratish, chop etish, noyob asarlar sotib olish orqali markaz kitob fondini kengaytirish;
ilmiy tadqiqotlarga ko‘maklashish, tadqiqot uchun grant ajratish;
ijtimoiy, ilmiy, ma’naviy va ma’rifiy tadbirlar tashkil qilish;
kadrlarni tayyorlash, qayta tayyorlash, konferensiya, seminarlar o‘tkazish;
multimedia va tarmoq qurilmalari hamda dasturiy ta’minotlarni xarid qilish.