Toshkentda yerusti jamoat transporti yangi yo‘nalish tarmog‘i 4ta bosqichda joriy etiladi

Toshkent shahri yerusti yo‘lovchilar transportining yangi yo‘nalish tarmog‘i 2022-2025 yillarda joriy etiladi. Bu haqda Vazirlar Mahkamasining “Toshkent shahar transporti va yo‘l-transport infratuzilmasini 2025 yilgacha rivojlantirish konsepsiyasini tasdiqlash to‘g‘risida”gi qarori loyihasida aytilgan.

Foto: Kun.uz

Qayd etilishicha, Toshkent shahri yerusti jamoat transportining yangi yo‘nalish tarmog‘ini 4 ta bosqichda joriy etish rejalashtirilgan.

1-bosqichda 2 ta magistral yo‘nalish, 5 ta halqa yo‘nalish, 30 ta bog‘lovchi yo‘nalish va 8 ta yetkazib beruvchi yo‘nalish tashkil etiladi.

2-bosqichda 4 ta magistral yo‘nalish, 4 ta halqa yo‘nalish,26 ta bog‘lovchi yo‘nalish va 13 ta yetkazib beruvchi yo‘nalish tashkil etiladi.

3-bosqichda 4 ta magistral yo‘nalish, 3 ta halqa yo‘nalish, 21 ta bog‘lovchi yo‘nalish va 15 ta yetkazib beruvchi yo‘nalish tashkil etiladi.

4-bosqichda 1 ta magistral yo‘nalish, 2 ta halqa yo‘nalish, 15 ta bog‘lovchi yo‘nalish va 6 ta yetkazib beruvchi yo‘nalish tashkil etiladi.

Loyihaning jami qiymati 4 335 mln so‘mga teng.

Shuningdek, shahar yo‘lovchilar transporti harakat tarkibini 2022-2025 yillarda yangi zamonaviy “yashil” avtobuslarni xarid qilish yo‘li bilan yangilash mo‘ljallanmoqda.