«Afrosiyob» poyezdlari qatnovi bittaga ko‘payadi, barcha poyezdlarga qo‘shimcha vagon ulanadi

“O‘zbekiston temir yo‘llari” AJ 2021 yil 27 dekabrdan 2022 yil 9 yanvargacha “Toshkent-Buxoro-Toshkent” yo‘nalishida 770/769-sonli “Afrosiyob” zamonaviy poyezdlarining qatnovini yo‘lga qo‘yadi.

Foto: Kun.uz

“O‘ztemiryo‘lyo‘lovchi” xabariga ko‘ra, hozirgacha faqat haftaning juma, shanba va yakshanba kunlari soat 09:02 da Toshkent markaziy temir yo‘l vokzalidan harakatini amalga oshirib kelayotgan 770-sonli “Afrosiyob” poyezdi 27 dekabrdan 2022 yil 9 yanvargacha har kuni soat 09:02 da “Toshkent-Buxoro” yo‘nalishida qatnovini amalga oshiradi.

Shuningdek, 769-sonli “Afrosiyob” poyezdi ham 27 dekabrdan 2022 yil 9 yanvargacha har kuni soat 15:02 da “Buxoro-Toshkent” yo‘nalishida qatnovini amalga oshiradi.

Ushbu poyezdlar Samarqand, Navoiy temir yo‘l vokzallarida to‘xtab o‘tadi.

Bundan tashqari, dam olish kunlari barcha yo‘lovchi poyezdlarga qo‘shimcha vagonlar ham ulanadi.