2022 yilda BMT sammitlarida O‘zbekistonning oliy darajadagi ishtiroki kutilyapti

2022 yilda yirik tadbirlarda mintaqaviy va xalqaro masalalar bo‘yicha O‘zbekiston pozitsiyasi hamda umumjahon miqyosidagi tashabbuslarini ilgari surish rejalashtirilmoqda.

2022–2026 yillarga mo‘ljallangan taraqqiyot strategiyasini 2022 yilda amalga oshirish bo‘yicha “Yo‘l xaritasi” loyihasiga ko‘ra, Shanxay hamkorlik tashkiloti (ShHT)da O‘zbekiston raisligini samarali va faol amalga oshirish mo‘ljallanmoqda.

Shuningdek, Birlashgan millatlar tashkiloti (BMT) sammitlarida O‘zbekistonning oliy darajadagi ishtirokini ta’minlash ham ko‘zda tutilgan.

Yetakchi davlatlar bilan keng qamrovli hamkorlikni strategik darajaga olib chiqish hamda ular bilan kengaytirilgan sheriklik va hamkorlik to‘g‘risidagi bitimlarni kelishish nazarda tutilmoqda.

Bundan tashqari, aksariyat hamkor davlatlar bilan munosabatlarni strategik hamkorlik darajasiga olib chiqish ishlari amalga oshiriladi. O‘zbekiston va Yevropa ittifoqi o‘rtasida Kengaytirilgan sheriklik va hamkorlik to‘g‘risidagi bitim (KShHB) bo‘yicha muzokaralar olib boriladi.