O‘zbekiston armiyasidagi qurol-aslaha va harbiy texnika xatlovdan o‘tkaziladi

Xususan, qurol-aslaha va harbiy texnikalarni xatlovdan o‘tkazish va ularga bo‘lgan zarurat miqdorni aniqlash ko‘zda tutilmoqda. Jahon bozoridagi mavjud zamonaviy qurol-aslaha va harbiy texnikalar o‘rganiladi.

Bundan tashqari, Mudofaa vazirligi tizimida geraldika ishlarini samarali yo‘lga qo‘yish ham mo‘ljallangan.

Mudofaa vazirligining geraldika ishlari hajmi aniqlanadi va ushbu yo‘nalishda xorijiy tajriba o‘rganiladi. Mudofaa vazirligining Geraldika kengashi tuziladi, uning vazifalari belgilanadi va tegishli normativ-huquqiy hujjat ishlab chiqiladi.

Shuningdek, Mudofaa vazirligi qo‘shinlarida rahbar lavozimlariga kadrlar zaxirasini yaratish tizimi rivojlantiriladi. 

Qo‘shinlarning rahbar lavozimlarida xizmat qiladigan harbiy xizmatchilar uchun malaka talablari zamon talablariga mos ravishda ishlab chiqiladi. Qo‘shinlarning rahbar lavozimlariga nomzodlarni tanlash, kadrlar zaxirasini yaratish, ularni maqsadli ravishda tayyorlash tizimini yanada takomillashtirish bo‘yicha takliflar ko‘rib chiqiladi.