Keng ko‘lamli avariya oldini olish uchun barcha generatorlarni o‘chirishga to‘g‘ri keldi - vazirlik
Ayni paytgacha O‘zbekistonning 75 foiz qismida elektr ta’minoti tiklangan. Bu haqda Xalqaro press-klub sessiyasida Energetika vazirligi boshqarma boshlig‘i Abdumalik Nazirov ma’lum qildi.
«Blekaut 25 yanvar kuni 10:57 da Sirdaryo IESda nosozliklar yuzaga kelishi bilan boshlandi. Buning oqibatida esa 1600 Megavatt quvvat yo‘qotildi. Natijada yuzaga kelgan nosozlikni to‘xtatish va zararning oqibatlarini kamaytirish uchun boshqa generatorlarning ishlashi ham to‘xtatildi. Bunda keng ko‘lamli avariya holatining oldini olish maqsadi ko‘zlangandi. Sababi tizimlar bir-biri bilan o‘zaro bog‘langan.
Shundan so‘ng, elektr ta’minotini tiklash ishlari doirasida birinchi navbatda Chorvoq GES faoliyati tiklandi.
O‘z navbatida qo‘shni davlatlar tomonidan ham yordam ko‘rsatildi. Turkmaniston ko‘magi bilan Buxoro va Qashqadaryo, Qirg‘iziston ko‘magi bilan esa vodiy viloyatlarida «svet» ta’minoti tiklandi.
Hozirgina berilgan ma’lumotlarga ko‘ra, yana 2ta stansiya ishlashni boshlagan va respublika hududining 75 foiz qismida elektr ta’minoti tiklangan. Gaz konlari faoliyati qayta yo‘lga qo‘yildi. Bu juda muhim omil, sababi elektr toki ishlab chiqarish gaz bilan uzviy bog‘liq», dedi u.
Mavzuga oid
15:00 / 07.09.2024
Ikki hududda elektrdan noqonuniy foydalanganlar 400 mln so‘mdan ziyod zarar yetkazdi
08:35 / 04.09.2024
Tadbirkorlarning ortiqcha iste’mol qilingan elektr va gaz uchun qo‘shimcha to‘lovi 10 baravarga kamaytiriladi
16:01 / 31.08.2024
Quyosh va shamol elektr stansiyalari tomonidan qancha elektr ishlab chiqarilgani ma’lum bo‘ldi
07:26 / 23.08.2024