O‘zbekiston | 16:47 / 28.01.2022
6119
1 daqiqa o‘qiladi

Kuchli shamol esayotgani sababli Qashqadaryoda elektr energiyasi tarmoqlari uzib qo‘yildi

Foto: Ijtimoiy tarmoqlar

Kuchli shamol kuzatilayotgani sababli Qashqadaryo viloyatida elektr energiyasi tarmoqlari uzib qo‘yilmoqda. Bu haqda Egnergetika vazirligi xabar berdi.

Qayd etilishicha, kuchli shamol kuzatilayotganligi sababli Qashqadaryo viloyati tuman va shaharlarining ayrim hududlarida elektr energiyasi ta’minotida uzilish kuzatilmoqda.

Shu sababli, xavfsizlikni ta’minlash maqsadida elektr tarmoqlari vaqtinchalik tarmoqdan ajratilgan.

«Hududda kuchli shamol esishi pasayganidan so‘ng, elektr energiyasi qayta tarmoqqa ulanadi. Keltirilgan noqulayliklar uchun iste’molchilardan uzr so‘raymiz», deyiladi xabarda.

Kun.uz muxbirining ma’lum qilishicha, ayni paytda Qashqadaryo viloyatining bir qancha hududlarida, jumladan, Qarshi shahrida kuchli shamol esmoqda. 

Ғайрат Йўлдошев
Tayyorlagan Ғайрат Йўлдошев
Kun.uz yangiliklarini Google News'da kuzating
+ Obuna bo'lish

Mavzuga oid