Pekindagi Olimpiada qatnashchilari orasida koronavirus bilan bog‘liq 45ta holat aniqlandi

Pekindagi Olimpiada o‘yinlarining 45 nafar ishtirokchisida koronavirusga topshirilgan test musbat chiqdi. 

Xabar qilinishicha, 26ta holat bugun Pekinga yetib kelganlarda aniqlangan bo‘lib, ulardan 20 nafari sportchilar yoki terma jamoa a’zolaridir, 19 holat esa Pekinda bo‘lib turganlarda qayd etilgan.

3 fevral kuni 55 nafar ishtirokchida kasallik aniqlangandi.

Olimpiada o‘yinlari 4 fevral kuni boshlandi va 20 fevralgacha davom etadi. O‘yinlar ochilishi marosimida O‘zbekiston prezidenti Shavkat Mirziyoyev ham ishtirok etdi.