Ukraina uch kunga Rossiya va Belarus elektr tarmoqlaridan uziladi

Ukraina o‘z tizimini sinab ko‘rish uchun 72 soatga Rossiya va Belarus elektr tarmoqlaridan uziladi. Sinovlar 24-26 fevral kunlari o‘tkaziladi.

Belarus energetika vazirligi Kiyev buni Minsk bilan kelishgan holda amalga oshirishini ma’lum qildi.

Welt am Sonntag nashrining ma’lumot berishicha, Ukraina 2023 yil boshida G‘arbiy Yevropa elektr tarmoqlariga ulanishni rejalashtirmoqda.

Yanvar oxirlarida Yevrokomissiya raisi Ursula fon der Lyayyen Ukraina energetik xavfsizligini ta’minlash Vashington va Bryusselning maqsadlaridan biri ekanini aytgandi. Bu nafaqat elektr, balki gaz ta’minotiga ham taalluqli.