Qoʻshimcha funksionallar
-
Tungi ko‘rinish
Reuters Belarus-Ukraina chegarasidagi harbiy texnikalarning sun’iy yo‘ldoshdan olingan suratlarini e’lon qildi
Suratlarda Su-25 qiruvchi samolyotlari, S-400 va «Iskander» raketa majmualarini ko‘rish mumkin.
Foto: Reuters
Reuters agentligi Belarus va Ukraina chegarasida joylashtirilgan harbiy texnikalarning sun’iy yo‘ldoshdan olingan suratlarini e’lon qildi. Suratlar Maxar Technologies kompaniyasi tomonidan taqdim etilgan.
Qayd etilishicha, suratlar 4 fevral kuni Yelsk (Ukraina bilan chegaraga 20 km), Rechitsa (chegaragacha 55 km) va Luninets (50 km) shaharlarida olingan.
Maxar Technologies suratlarda 15ta Su-25 qiruvchi samolyoti va Luninets aerodromidagi S-400 zenit-raketa majmualarini aniqlagan. Yelskdan olingan suratlarda «Iskander» raketa majmualari va reaktiv o‘t ochish tizimlari aks etgan.
Reuters agentligining ta’kidlashicha, jurnalistlar fotosuratlarning haqiqiyligini tekshira olmagan.
Avvalroq Rossiya va Belarus ittifoq davlati kuchlarining harbiy tayyorgarligini tekshirish uchun mashg‘ulotlar o‘tkazishi rejalashtirilgani aytilgandi.
Rossiya mudofaa vaziri o‘rinbosari Aleksandr Fominning so‘zlariga ko‘ra, birinchi bosqichda 9 fevralgacha qo‘shinlarni joylashtirish amalga oshiriladi. Ikkinchi bosqichda 10 fevraldan 20 fevralgacha hamkorlikdagi mashg‘ulotlar o‘tkaziladi.
Rossiya-Ukraina urushi
Mavzuga oid
07:56
Pentagon Ukrainaga yordam uchun qolgan pul miqdorini e’lon qildi
21:13 / 12.11.2024
Sudjaliklar yana bir bor o‘z yaqinlari evakuatsiyasi uchun gumanitar yo‘lak so‘radi
20:43 / 12.11.2024
NATO bosh kotibi Ukrainadagi mojaro «trayektoriyasini» o‘zgartirishga chaqirdi
14:56 / 12.11.2024