Toshkent tumanida hokimlik zaxirasidan 14 sotix yer maydoni olib berishni va’da qilgan firibgar ushlandi

U 14 sotix yer maydoniga tanishi orqali egalik qilish huquqini beruvchi qarorni chiqartirib berish evaziga 8 000 AQSh dollari talab qilgan.

Foto: Bosh prokuratura

Bosh prokuratura huzuridagi Departamentning xabar berishicha, fuqaro N.Sh. fuqaro B.ning ishonchiga kirib, unga Toshkent tuman hokimligi zaxirasida bo‘lgan 14 sotix yer maydonini go‘yoki “Z.” ismli tanishi orqali 8 000 AQSh dollari evaziga unga egalik qilish huquqini beruvchi qarorni chiqartirib berishni va’da qilib, shundan 4 000 AQSh dollarini olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) va bilan jinoyat ishi qo‘zg‘atilib, tergov harakatlari o‘tkazilmoqda.

Avvalroq, Toshkent viloyatida elektr tarmoqlari korxonasi xodimi pora bilan ushlangani xabar qilingan edi.