Andijon shahridagi avtobuslarga yo‘l harakati qoidalarini buzganlikni tasvirga oladigan kameralar o‘rnatiladi

Ijtimoiy tarmoqlarda Andijon shahriga yangi olib kelingan avtobuslarga yo‘l harakati qoidalarini buzganlikni tasvirga olib jarima soladigan kameralar o‘rnatilgani yuzasidan xabarlar tarqaldi.

Kun.uz mazkur xabarga aniqlik kiritish maqsadida viloyat Transport boshqarmasi axborot xizmati bilan bog‘landi.

Qayd etilishicha, haqiqatda avtobuslarga qoidabuzarliklarni qayd etadigan kameralar o‘rnatiladi. Biroq hozircha kameralar o‘rnatilmagan. Tez orada o‘rnatilishi ko‘zda tutilgan.

“Avtobuslarga o‘rnatilgan kameralar jarimalar yozishni boshlashidan oldin ommaviy axborot vositalari orqali e’lon qilamiz. Hozirda o‘rnatilgan kameralar shunchaki sinov uchun. Jarimalarni qayd etmayapti”, – deydi Transport boshqarmasi axborot xizmati rahbari Holmurod To‘raboyev.