Shavkat Mirziyoyev ertaga Qoraqalpog‘istonga boradi

O‘zbekiston prezidenti Shavkat Mirziyoyev ertaga, 23 fevral kuni Qoraqalpog‘iston Respublikasiga tashrif buyurishi kutilmoqda.

Bu haqda Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi Komil Allamjonov o‘z Telegram sahifasida xabar berdi.

Ma’lum qilinishicha, ayni paytda respublikadan 1,5 mingdan ortiq ishchi guruh a’zolari Qoraqalpog‘istonga yetib kelgan. Viloyatlarning barcha hokimlari Qoraqalpog‘istonga jo‘natilgan. Ularning har biriga alohida-alohida tumanlar va boshqa obektlar bo‘lib berilmoqda.