Surxondaryoda ertangi sabzavotlar pishib yetildi: ularni bozorbop ko‘rinishiga keltiruvchi qurilma
O‘zbekistonning eng janubiy viloyati Surxondaryo dalalarida bahorgi sabzavotlar pishib yetildi. Jarqo‘rg‘on tumanida yetishtirilgan sabzi, sholg‘om va turp mahalliy bozorga chiqarilmoqda. Hademay bahorgi kartoshka va piyoz ham el dasturxoniga tortiq qilinadi.
Dalalardan yig‘ib kelingan sabzavotlar avval mo‘’jaz qurilmada tuproqdan yuviladi. Jarqo‘rg‘on tumanida mahalliy yigitlar dehqonlar yetishtirgan sabzavotlarni yuvib berishmoqda.
Ular 50 kg yoki bir qop sabzini 5000 so‘m evaziga yuvib berishadi. Polietilen qopning donasi esa 2000 so‘m turadi. 5 kishi mehnat qiladigan stanokda kuniga 5-6 tonna — 100 qop atrofida sabzavotlar yuviladi.
Bu qurilmaning aylanuvchi barabani yog‘ochdan yasalgan. Shu sababli u sabzavotlarga ziyon yetkazmasdan, turp, sabzilarning bozorgir ko‘rinishini buzmasdan yuva oladi.
Yigitlarning aytishicha, bu yerda yuvilib, qoplangan sabzavotlar fermerlar tomonidan nafaqat Surxondaryoda, O‘zbekistonning boshqa shaharlariga ham jo‘natiladi.
Shuhrat Shokirjonov tayyorladi.
Tasvirchi va montajchi: Faxriddin Hotamov
Tavsiya etamiz
Toshkentdagi qahvaxonada til bilan bog‘liq holat muhokamalarni keltirib chiqardi
O‘zbekiston | 23:03 / 07.04.2025
Xitoylik tadqiqotchilar Osiyoda yangi zilzilalar kuzatilishidan ogohlantirdi
Jahon | 21:46 / 06.04.2025
Kam ta’minlangan oilalarga elektr va gaz bo‘yicha kompensatsiya beriladi
O‘zbekiston | 14:32 / 06.04.2025
100 ming dollarlik “o‘yin”: Marg‘ilondagi bir jinoyat tafsiloti
Jamiyat | 17:21 / 05.04.2025
Mavzuga oid

11:46 / 25.03.2025
Yangi mahsulotlarni buzadigan kutilmagan omil ma’lum qilindi

16:33 / 12.03.2025
Surxondaryoda bolasini sotmoqchi bo‘lgan ayol 3 yilga qamaldi: 6 bola va nogiron er qarovsiz qoldi

17:30 / 10.03.2025
Surxondaryoda bolasini sotmoqchi bo‘lgan ayol 3 yilga qamaldi

08:52 / 09.12.2024