Surxondaryodagi Mirzo Ulug‘bek davriga oid xazina chiqqan joydan ot haykalchasi topildi
Avvalroq Kun.uz’da Surxondaryoda Mirzo Ulug‘bek davriga oid xazina topilgani haqida xabar berilgandi. Ma’lum bo‘lishicha xazina topilgan joydan yana bir qadimiy buyum topilgan.

Foto: O‘zA
Ma’lum qilinishicha, Sariosiyo tumanidagi To‘palang daryosi o‘ng qirg‘og‘idan bronzadan quyma uslubda yasalgan ot haykalchasi topilgan.
Surxondaryo viloyati turizm va madaniy meros boshqarmasi mas’ul kotibi Bekzod O‘raqovning aytishicha ot haykalchasi avvalroq aynan Mirzo Ulug‘bek davriga oid xazina chiqqan joydan topilgan.
Termiz arxeologiya muzeyiga topshirilgan ot haykalchasi mutaxassislar tomonidan chuqur o‘rganilib, dastlabki xulosa berilgan.
Mutaxassislarning aniqlashicha, 91,57 gramm og‘irlikka ega bo‘lgan bronzadan yasalgan ot haykalchasi To‘palang daryosi ichida Mirzo Ulug‘bek davriga oid xazina bilan bir joydan topilgani uchun u ham XV asrga oid deb rasmiylashtirilgan.
Qayd etilishicha, kelgusida bu yerda olib boriladigan tadqiqot ishlari mazkur topilma sanasini yanada oydinlashtiradi.
Eslatib o‘tamiz, avvalroq Sariosiyo tumanidagi To‘palang daryosi o‘ng qirg‘og‘idan Mirzo Ulug‘bek davriga oid mingdan oshiq mis tangalardan iborat xazina topilgan. So‘ng o‘sha joy muhofazaga olinib, qidiruv ishlari davom ettirilishi haqida xabar berilgandi.
Mavzuga oid

14:38 / 01.04.2025
Osiyodagi eng chuqur g‘or joylashgan qishloq – Dehibolo | Manzil

00:37 / 31.03.2025
Turkiyada «xazina» ko‘rsatilgan soxta xaritalar orqali odamlarni chuv tushirib kelgan firibgarlar ushlandi

22:08 / 25.03.2025
Buyuk Britaniyada 2 ming yillik tarixga ega xazina topildi

09:32 / 15.03.2025