Gruziya, Ozarboyjon, Turkiya va Qozog‘iston Transkaspiy yo‘lagi to‘g‘risidagi deklaratsiyani imzoladi

Gruziya, Ozarboyjon, Turkiya va Qozog‘iston «Sharq-G‘arb Transkaspiy yo‘lagi» to‘g‘risidagi to‘rt tomonlama deklaratsiyani imzoladi.

Qayd etilishicha, hujjat to‘rt davlatning xalqaro transport tizimidagi integratsion salohiyatini mustahkamlashga qaratilgan.

Deklaratsiyada Boku-Tbilisi-Kars temiryo‘l liniyasining ahamiyatiga alohida urg‘u berilgan.  

Shuningdek, liniyaning o‘tkazuvchanlik qobiliyatini oshirish uchun qurilish ishlarini yakunlash muhimligi ta’kidlangan.

Shu bilan birga, mazkur yo‘nalishda transport amaliyotlari sifatini oshirish uchun infratuzilmaga investitsiyalar kiritish zaruratiga e’tibor qaratilgan.