Qoʻshimcha funksionallar
-
Tungi ko‘rinish
Mavlud Chovusho‘g‘li Rossiya va Ukraina tashqi ishlar vazirlari uchrashuv o‘tkazishga tayyorligini ma’lum qildi
Chovusho‘g‘li tinchlik muloqoti uchun maydoncha sifatida yana Istanbul tanlanishiga umid bildirdi.
Foto: Anadolu Agency
Turkiya tashqi ishlar vaziri Mavlud Chovusho‘g‘li Rossiya va Ukraina tashqi ishlar vazirlari o‘zaro uchrashuv o‘tkazish g‘oyasini qo‘llab-quvvatlaganini ma’lum qildi.
«Dmitriy Kuleba va Sergey Lavrov uchrashuvga tayyor ekanliklarini ma’lum qilishdi. Yaqin bir-ikki hafta ichida Ukraina va Rossiya tashqi ishlar vazirlari darajasida uchrashuv o‘tkazilishi mumkin», - dedi u.
Chovusho‘g‘lining so‘zlariga ko‘ra, Rossiya va Ukraina delegatsiyalarining Istanbulda bo‘lib o‘tgan uchrashuvida tomonlar «muhim masalalar» yuqori darajada muhokama qilinishiga kelishib olgan.
«Tashqi ishlar vazirlari uchrashuvida kelishuvga erishilsa, tasdiqlanadi. Navbatdagi bosqich ikki mamlakat rahbarlari uchrashuvi bo‘ladi», - dedi Turkiya tashqi ishlar vaziri.
Mavlud Chovusho‘g‘li tinchlik muloqoti uchun maydoncha sifatida yana Istanbul tanlanishiga umid bildirdi.
29 mart kuni Turkiyaning Istanbul shahrida Rossiya va Ukraina delegatsiyalarining muzokaralari bo‘lib o‘tdi.
Mavzuga oid
07:56
Pentagon Ukrainaga yordam uchun qolgan pul miqdorini e’lon qildi
21:13 / 12.11.2024
Sudjaliklar yana bir bor o‘z yaqinlari evakuatsiyasi uchun gumanitar yo‘lak so‘radi
20:43 / 12.11.2024
NATO bosh kotibi Ukrainadagi mojaro «trayektoriyasini» o‘zgartirishga chaqirdi
14:56 / 12.11.2024