Jurnalist va blogerlarga bo‘hton va provokatsiya uyushtirib kelgan kanallar bloklandi

Mass-media fondi Telegram ma’muriyati bilan muzokaralar orqali “Qora mergan” va “Snayper bloger” nomli kanallar bloklanganini ma’lum qildi. Bu kanallar faol jurnalist va blogerlarga nisbatan tuhmatlar tarqatib kelayotgan edi. “Kurash sog‘lom bo‘lishi kerak! Iflosliklar charchatdi”, deya munosabat bildirdi fond rahbari Komil Allamjonov.