Qoʻshimcha funksionallar
-
Tungi ko‘rinish
Tadbirkorlikka ko‘maklashish markazi Samarqand shahar bo‘limi bosh mutaxassisi 35 ming dollar bilan ushlandi
Samarqand viloyatida MChJga qarashli yerni sotmoqchi bo‘lgan bosh mutaxassis ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar bermoqda.
Bosh prokuratura huzuridagi departament hamda Davlat xavfsizlik xizmatining Samarqand viloyati boshqarmalari tomonidan tezkor tadbir o‘tkazilgan.
Unda, viloyat tadbirkorlikka ko‘maklashish markazining Samarqand shahar bo‘linmasi bosh mutaxassisi J.Sh. fuqaro T.ning ishonchiga kirib, unga Nurobod tumanidagi “Q.D.” MChJga qarashli 78 gektar yer maydonini firibgarlik yo‘li bilan 135 ming AQSh dollariga sotishga kelishib, shundan 35 ming AQSh dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilgan.
Mahkama xabarida aytilishicha, hozirgi vaqtda tergov harakatlari o‘tkazilmoqda.
Bundan oldin Toshkent tumani hokimi yordamchisi va uning sinfdoshi 4 sotix yerni 30 ming dollarga sotmoqchi bo‘lganda ushlangandi.
Mavzuga oid
23:09 / 23.05.2025
Samarqandda mashinasida sher bolasini olib yurgan shaxs aniqlandi
21:06 / 22.05.2025
Samarqand shahriga yangi prokuror tayinlandi
18:43 / 16.05.2025
Samarqandda maktab o‘quvchilarining janjali ulardan birining o‘limi bilan tugadi
12:02 / 11.05.2025