Qoʻshimcha funksionallar
-
Tungi ko‘rinish
Nogironligi bo‘lgan shaxslarning soliqqa tortilmaydigan daromadi miqdori oshirildi
2022 yil 5 may kuni imzolangan 767-son qonun bilan Soliq kodeksiga qo‘shimcha va o‘zgartishlar kiritildi.
Vaqtinchalik soliq imtiyozlariga, prezident yoki hukumat qarorlarida yuridik shaxslarning mol-mulk solig‘i hamda yuridik shaxslarning yer solig‘idan to‘liq ozod qilish imtiyoziga ega soliq to‘lovchilar mazkur soliqlarni 1 foizi miqdorida to‘laydi. Mazkur tartib 3 oydan so‘ng kuchga kiradi.
Foyda solig‘ini hisoblashda Bolalarni qo‘llab-quvvatlash jamoat fondiga xayriya qilingan mablag‘lar soliq bazasini aniqlashda chegirib tashlanadi.
Bolalikdan nogiron bo‘lganlar, shuningdek I va II guruh nogironlarining mehnatga haq to‘lash eng kam miqdori 3 baravari (2 mln 466 ming so‘m) miqdoridagi mablag‘lari daromad solig‘iga tortilmaydi. Ilgari bu mehnatga haq to‘lash eng kam miqdori 1,41 baravari edi – 1 mln 159 ming so‘m.
Ushbu tartib 2022 yil 1 martdan yuzaga kelgan munosabatlarga nisbatan ham tatbiq etiladi.
Yangi barpo etilayotgan bog‘lar, tokzorlar va tutzorlar egallagan yerlar 5 yil muddatga yer solig‘idan ozod qilinadi. Ilgari 3 yil edi.
Ushbu tartib 2022 yil 1 yanvardan e’tiboran yuzaga kelgan munosabatlarga nisbatan ham tatbiq etiladi.
Mavzuga oid
10:15 / 05.02.2025
Nogironligi bo‘lgan bolalar uchun kunduzgi parvarish xizmati yo‘lga qo‘yiladi
18:04 / 16.05.2022
QQS boshog‘riqlari: SSP tadbirkorlar bilan norasmiy suhbat uyushtirdi
17:39 / 07.05.2022
Soliq tushumlari 17 foizga oshdi - DSQ
07:43 / 04.05.2022