Otishmalardan zada bo‘lgan ayol va hayvonot bog‘iga hujum. Urush suratlari

Urushning 72-kunida Ukraina qurolli kuchlari Bosh shtabi ukrain harbiylari Xarkov oblastida beshta aholi punktini qaytarib olishga muvaffaq bo‘lganini ma’lum qildi. Ukraina tomoni Zmeiniy oroli yaqinida rossiyaliklar fregati yonib ketganini xabar qildi (Rada deputati Aleksey Goncharenko «Admiral Makarov» korabliga «Neptun» raketalari bilan zarba berilganini yozgan). Mariupoldagi tinch aholi vakillari yashiringan «Azovstal» zavodi hududidan yana 50 kishi evakuatsiya qilindi.

Ugledar shahridan bo‘lgan 93 yoshli Didenko Yekaterina Zaporojyedagi qochqinlar markazida ro‘yxatdan o‘tayotgan qizini kutmoqda
AP Photo/Evgeniy Maloletka

Ukrainadagi urush. So‘nggi ma’lumotlar

Mariupoldagi «Azovstal» hududidan 50 kishi evakuatsiya qilindi, shanba kuni navbatdagi urinish bo‘ladi.
Zelenskiy tungi murojaatida zavod hududida qurshovda qolgan harbiylarni olib chiqib ketishning diplomatik yechimini topish uchun «nufuzli vositachilarni jalb qilgani»ni aytdi.
Rossiyalik harbiylar juma kuni kechqurun Odessa oblasti hududiga ikki bor raketa zarbasi yo‘llagan. Qurbonlar yo‘q.
BBC rus xizmati urushda halok bo‘lgan 2120 nafar rossiyalik harbiylarning ism-shariflarini aniqladi.
Navbatdagi asirlar almashinuvi o‘tkazildi: Ukraina 41 kishini, jumladan 13 nafar tinch aholi vakilini asirlikdan qaytardi.
AQSh Ukrainaga navbatdagi harbiy yordam paketini ma’qulladi: bu yordam o‘q-dorilar, shuningdek radarlar va 150 mln dollarlik boshqa qurilmalarni o‘z ichiga oladi.

Xarkov