Tashlandiq mashinada yashayotgan ayol va uylar o‘rnidagi o‘ralar. Urush suratlari

Ukraina vitse-premeri Irina Vereshchukning ma’lum qilishicha, urushning 73-kunida Mariupoldagi «Azovstal» zavodidan barcha ayollar, bolalar va keksa yoshli kishilar evakuatsiya qilingan. RF mudofaa vazirligiga ko‘ra, 5-7 may kunlari zavoddan 51 kishi olib chiqilgan. «Azovstal»dan shu vaqtgacha 300 nafar atrofida tinch aholi vakillari evakuatsiya qilingan.

Kiyev oblasti Makarov posyolkasi yaqinida yakson etilgan rus tanki ustida turgan qizcha.
Mikhail Palinchak / Reuters / Scanpix / LETA

Ukrainadagi urush. So‘nggi ma’lumotlar:

Zelenskiy «Azovstal» zavodidan 300 dan ortiq tinch aholi vakili olib chiqilganini ma’lum qildi. U hozirda hukumat xalqaro tashkilotlar bilan hamkorlikda yaralangan harbiylar evakuatsiyasi ustida ish olib borilayotganini qo‘shimcha qildi.
Ramzan Qodirov chechen harbiylari Lugansk oblastidagi Popasnaya shahrining katta qismini nazorat ostiga olganini aytdi, ammo ukrain rasmiylari shahar uchun janglar davom etayotganini ma’lum qilgan.
Lugansk oblasti ma’muriyati Belogorovka posyolkasiga bomba kelib tushishi oqibatida katta ehtimol bilan 60 kishi halok bo‘lganini ma’lum qilgan. Xarobalar ostidan 30 kishi qutqarib olingan.
JSST Rossiyaning Ukrainada tibbiy muassasalarga zarba berish orqali harbiy jinoyatlar sodir etilishiga aloqadorligini tekshiradi.
Ukraina TIV rahbari «Ukrainaga qarshi jinoyatlar uchun» maxsus tribunal ta’sis etishni taklif etdi.
Britaniya Ukrainaga harbiy yordam uchun yana 1,6 mlrd dollar ajratadi. Yangi yordam paketi avvalgisidan ikki barobar ko‘proqni tashkil etadi.
MRB direktori Uilyam Byorns Putin mag‘lubiyatni tan ololmasligi tufayli Ukrainadagi urushni davom ettirmoqchiligini aytdi.

Quyida 7 may kuni Ukrainaning turli hududlarida olingan suratlar.

Xarkov oblasti