Qoʻshimcha funksionallar
-
Tungi ko‘rinish
Qoraqalpog‘istonda “prava”ni imtihonsiz olib bermoqchi bo‘lgan avto o‘rgatuvchi qo‘lga olindi
Beruniy tumanida tanishlariga haydovchilik guvohnomasini olib bermoqchi bo‘lgan avto o‘rgatuvchi ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar bermoqda.
Foto: Iqtisodiy jinoyatlarga qarshi kurashish departamenti
Qayd etilishicha, Bosh prokuratura huzuridagi departament hamda Davlat xavfsizlik xizmatining Beruniy tumani bo‘limlari tomonidan tezkor tadbir o‘tkazilgan. Tadbir davomida “B.A.” MChJ o‘rgatuvchi ustasi N.N. fuqaro Z.N.ga va uning 3 nafar tanishiga avto o‘quv jarayonlariga umuman qatnashtirmasdan, imtihonlardan tanishlari orqali o‘tkazib, haydovchilik guvohnomasini olib berish evaziga 800 AQSh dollari va 16 mln so‘mni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Oldinroq Andijon shahrida 10 kunda «prava» olib bermoqchi bo‘lgan avtomaktab o‘qituvchisi ushlangandi.
Mavzuga oid
16:42 / 24.03.2025
Qirg‘izistonda qoidabuzar haydovchilardan to‘xtatilgan joyda imtihon olinadi
16:42 / 25.02.2025
Haydovchilik guvohnomasidan mahrum qilinganlar profilaktik hisobga olinadi
11:26 / 12.02.2025
Haydovchilik guvohnomasi uchun kerak bo‘ladigan tibbiy ma’lumotnoma qanday olinadi?
18:37 / 20.01.2025