Borrel Yevroittifoq Ukrainada qurol va harbiy texnika tugab qolishiga yo‘l qo‘ymasligini aytdi

Jozep Borrelning so‘zlariga ko‘ra, YeI mamlakatlari Ukrainani qurol-yarog‘ bilan to‘xtovsiz ta’minlashda davom etish uchun yetarlicha resurslarga ega.

Foto: Reuters

Yevroittifoq Ukrainada qurol va harbiy texnika tugab qolishiga yo‘l qo‘ymaydi. Bu haqda YeI diplomatiyasi rahbari Jozep Borrel ma’lum qildi.

"Urush hozir xavfli bosqichda. Biz Ukrainada qurol va harbiy texnika tugab qolishiga yo‘l qo‘ya olmaymiz", - dedi u.

Borrelning qo‘shimcha qilishicha, YeI mamlakatlari Ukrainani qurol-yarog‘ bilan to‘xtovsiz ta’minlashda davom etish uchun yetarlicha resurslarga ega.

"Bizning maslahatchilar missiyamiz Kiyevga qaytdi. U Ukraina hukumatiga chegaralarni nazorat qilish va harbiy jinoyatlarni tergov qilish bo‘yicha yordam beradi", - dedi u.