Kiyev atrofi minalardan tozalanmoqda, «Azovstal» himoyachilari asir tushmoqda. Urush suratlari

Ukrainadagi urush. So‘nggi ma’lumotlar

• O‘tgan kunda yana 300 nafardan ortiq ukrain askari Mariupoldagi «Azovstal» zavodidan chiqdi. Ukraina prezidenti buni mudofaani ikki oy mobaynida ushlab turgan «harbiylarni qutqarish amaliyoti» deb atagan, Rossiya hukumati esa bunga kapitulyatsiya deb baho bermoqda. «Azovstal» mudofaachilari Donetsk yaqinidagi Olenevka posyolkasida joylashgan qamoqxonaga yetkazilgan. Ularning orasida - 50 nafar atrofida og‘ir yaradorlar bor. Bir kun oldin 260 dan ortiq harbiy asirga tushgandi.
• Kiyevda rossiyalik harbiy xizmatchi, Sumi oblastida qurolsiz tinch aholi vakilini o‘ldirishda ayblanayotgan Vadim Shishimarin ustidan sud jarayoni davom ettirilmoqda. Bu Ukraina hududida sodir etilgan jinoyat uchun sud qilinayotgan ilk RF armiyasi harbiysidir.
• Shvetsiya va Finlandiya NATOga a’zo bo‘lish uchun ariza topshirdi. Rasmiy javobni bir necha hafta kutish kerak bo‘ladi. Qoidaga ko‘ra, yangi a’zolar qabul qilinishini alyansning barcha 30 a’zosi ma’qullashi kerak. Hozircha bunga Turkiya qarshi bo‘lib turibdi, ammo bu borada muzokaralar olib borilmoqda, Bryussel va NATO bu muammo bo‘lmasligini aytmoqda.
• Kun avvalida Dnepr bo‘ylab raketa zarbalari yo‘llandi, natijada, mahalliy rasmiylar ma’lumotiga ko‘ra, transport infratuzilma obekti va turar joy binosini vayron qilgan, Dnepr oblasti ma’muriyatiga ko‘ra, raketalardan biri havo hujumidan mudofaa tizimi orqali tutib qolingan. Shuningdek Nikolayevdagi portlashlar haqida xabarlar bor.
• Xalqaro gimnastika federatsiyasi (FIG) rossiyalik gimnast Ivan Kulyakni bir yilga diskvalifikatsiya qildi, u mart oyida Dohada o‘tkazilgan Jahon kubogida taqdirlash marosimida Rossiyaning Ukrainadagi urushi ramziga aylangan Z belgisi qo‘yilgan formada chiqqandi.

Quyida 17 may kuni Ukrainaning turli hududlarida olingan suratlar.

Kiyev va Kiyev oblasti

Xarkov oblasti 

Mariupol. «Azovstal» himoyachilarining asirlikka tushishi

Donbass shimoli