Ukrainaga O‘zbekistondan navbatdagi gumanitar yordam paketi jo‘natildi
Ukrainaning Karpatorti viloyatiga O‘zbekistondan yuborilgan 19 tonnadan ortiq dori-darmonlar yetib bordi.
Ukraina 6 iyun kuni O‘zbekistondan insonparvarlik yuklarini qabul qilgan. Bu haqda Karpatorti viloyati ma’muriyati xabar bermoqda.
Hudud rahbari Viktor Mikitaning so‘zlariga ko‘ra, 19 tonnadan ortiq dori-darmonlar samolyot orqali Slovakiyadagi gumanitar markazga olib kelingan, shundan so‘ng Ukrainaning Karpatorti viloyatiga yetkazilgan.
Qayd etilishicha, 12 turdagi 200 ming donadan ortiq miqdordagi antibiotik va vitaminlardan iborat insonparvarlik yordamining qiymati 1 mln dollardan oshadi.
Gumanitar yordam jangovar hududlar va kasalxonalardagi harbiy shifokorlarga yuboriladi, deyiladi xabarda.
“Biz ko‘rsatilgan yordam uchun do‘stlarimizga, tadbirkorlarga, o‘zbekistonlik ko‘ngillilarga hamda shaxsan Ukrainaning O‘zbekistondagi Favqulodda va muxtor elchisi Nikolay Doroshenkoga muvofiqlashtirish va samarali gumanitar yo‘lak tashkil etgani uchun chin dildan minnatdorchilik bildiramiz”, deya ta’kidladi Karpatorti viloyati rahbari.
Avvalroq ham Karpatorti viloyatiga O‘zbekistondan 34 tonnadan ortiq miqdordagi insonparvarlik yordami yuborilgandi. Uning tarkibi — dori-darmonlar, individual aptechka va uzoq muddat saqlanuvchi oziq-ovqat mahsulotlaridan iborat bo‘lgan.
Mavzuga oid
21:24 / 24.09.2024
Rossiya xavfsizlik kuchlari Ukrainaga qarshi urushdan bosh tortgan harbiyni Qozog‘istondan o‘g‘irlab ketdi
20:10 / 24.09.2024
Rossiya qo‘shini Vuhledarni qurshab olmoqda. Bu katta strategik ahamiyatga ega shahar sanaladi
16:32 / 24.09.2024
Tver oblastidagi qurol omborlarining ukrain dronlari hujumidan keyingi ko‘rinishi e’lon qilindi
21:41 / 23.09.2024