Davlat xizmati mansabdori ustidan sudga berilgan ariza bo‘yicha undiriladigan boj kamayadi

Qonun loyihasi bilan “Davlat boji to‘g‘risida”gi qonunga qator o‘zgartish va qo‘shimchalar kiritilmoqda.

Xususan, qonun 5-, 8-, 9-, 18-, 19-moddalari va uning ilovasi bilan tasdiqlangan davlat boji stavkalari miqdorlari bandlaridagi «nazorat» degan so‘zlar chiqarib tashlanmoqda. 

Davlat xizmatlarini ko‘rsatishga vakolatli bo‘lgan idoralar mansabdor shaxslari harakatlari (harakatsizligi) ustidan berilgan arizalar (shikoyatlar) bo‘yicha fuqarolardan undiriladigan davlat boji stavkalari miqdori kamaytirilmoqda.

Bildirilishicha, taklif etilayotgan o‘zgartishlar va qo‘shimchalar tufayli davlat xizmatlarini ko‘rsatish sohasida jismoniy va yuridik shaxslar buzilgan huquq va manfaatlari sudlar orqali himoya qilinishi kengaytiriladi, ular odil sudlovga erishish darajasi oshiriladi.