Geyts NFT va kriptovalutalarni «ahmoqlarga mo‘ljallangan» yolg‘on deb atadi

Amerikalik milliarder, Microsoft kompaniyasi hammuassisi Bill Geyts raqamli aktivlar — kriptovalutalar va o‘zaro almashtirilmaydigan tokenlarni (NFT) narxi ortiqcha baholangan yolg‘on deb atadi.

Geytsning fikricha, NFT va kriptovalutalarning ommaviyligi «yuz foiz katta ahmoq nazariyasiga» asoslangan.

Ushbu nazariyaga ko‘ra, narxi ortiqcha baholangan aktivlarning qiymati o‘sishda davom etadi, chunki ularni kelgusida qimmatroqqa sotish imkoniyati mavjud – bu aktivlarni qimmatroqqa sotishni mo‘ljallagan boshqa xaridor - «katta ahmoq» har doim topiladi.

Geytsning so‘zlariga ko‘ra, kriptovalutalar va tokenlar na uzun, na qisqa aktivlar toifasiga kiradi.

Bill Geyts o‘tgan yili ham kriptovalutalarni tanqid qilgan, bitkoynlar investorlar uchun xatarli, kriptovaluta mayningi atrof-muhit uchun zararli ekanini aytgandi.