Shavkat Mirziyoyev Yevrosiyo iqtisodiy komissiyasi hay’at raisini qabul qildi

Prezident O‘zbekiston kuzatuvchi davlat sifatida YeOII tuzilmalari bilan tizimli hamkorlik o‘rnatganini aytdi.

Foto: Prezident matbuot xizmati

O‘zbekiston prezidenti Shavkat Mirziyoyev 12 iyul kuni Yevroosiyo iqtisodiy komissiyasi hay’ati raisi Mixail Myasnikovichni qabul qildi.

Prezident matbuot xizmatiga ko‘ra, uchrashuvda Yevroosiyo iqtisodiy ittifoqi doirasidagi savdo, sanoat kooperatsiyasi, transport va logistika, innovatsiyalar, migratsiya va turizm sohalaridagi hamkorlikning ustuvor yo‘nalishlari ko‘rib chiqilgan.

“Davlatimiz rahbari O‘zbekiston kuzatuvchi davlat sifatida tashkilot tuzilmalari bilan tizimli hamkorlikni yo‘lga qo‘yganini alohida ta’kidladi”, deyiladi xabarda.

Uchrashuvda hamkorlikning qo‘shimcha yo‘nalishlari ro‘yxati imzolangan.

Shuningdek, savdo to‘siqlarini bartaraf etish, sanoat kooperatsiyasini kuchaytirish, tranzit sohasidagi dasturlarni ilgari surish, migratsiya tartibotlarini soddalashtirish va o‘zaro sayyohlar oqimini kengaytirish kabi masalalar ko‘rib chiqilgan.

YeOIIga kirish yanada xavfli bo‘lib qoldi, JSTga a’zolikni tezlashtirish kerak — iqtisodchilar

YeOII: O‘zbekistonning javobi aniqmi? — ciyosiy tahlilchilar bilan suhbat