Qoʻshimcha funksionallar
-
Tungi ko‘rinish
Qashqadaryodan Toshkentga olib ketilayotgan qariyb 1 tonna iste’molga yaroqsiz go‘sht yo‘q qilindi
Haydovchi go‘shtni Toshkentdagi bozorda sotish uchun olib ketayotganini aytgan.
Qashqadaryo viloyati IIB axborot xizmatining xabar berishicha, Ko‘kdala tumanida joylashgan «Umakay» muntazam yo‘l-patrul maskanida Nexia mashinasi to‘xtatilgan.
Hujjatlarni tekshirish jarayonida mashinada sanitariya qoidalariga zid ravishda qariyb 1 tonna go‘sht ortib ketilayotgani aniqlangan. Dastlabki surishtiruvda haydovchi o‘zining oti va qoramollarini so‘yib, go‘shtini Toshkentga olib ketayotganini aytgan.
Go‘sht tegishli tartibda hujjatlashtirilib, viloyat veterinariya sanitariya-epidemiologiya markazida tekshirib ko‘rilganda uning iste’molga yaroqsiz ekani ma’lum bo‘lgan. Shundan so‘ng iste’molga yaroqsiz go‘sht tegishli tartibda yo‘q qilingan.
Avvalroq, «Umakay» muntazam yo‘l-patrul maskanida Chiroqchi tumanida yashovchi shaxsga tegishli Cobalt mashinasiga ortib ketilayotgan 830 kilogramm iste’molga yaroqsiz go‘sht to‘xtatib qolingandi.
Mavzuga oid
17:00 / 27.05.2025
Bozor – go‘sht narxi haqida: “Yem-xashak qimmat, mol boqish oson bo‘lmay qoldi”
22:11 / 20.05.2025
O‘zbekistonda go‘sht narxi oshishiga qaysi omillar ta’sir qilyapti?
12:15 / 10.05.2025
Qishloq xo‘jaligi vazirligi go‘sht narxining oshishiga sabab bo‘lgan omillarni ma’lum qildi
21:22 / 05.05.2025