Nikohlanuvchilar tibbiy ko‘rikdan o‘tganidan so‘ng nikohni rasmiylashtirish tartibini belgilash ko‘zda tutilmoqda

“Oila kodeksiga o‘zgartish va qo‘shimchalar kiritish to‘g‘risida”gi, “Ma’muriy javobgarlik to‘g‘risidagi kodeks 206-1-moddasiga o‘zgartish kiritish haqida”gi qonunlar, Yengil sanoat va charm sanoati korxonalarida xotin-qizlar mehnat huquqlarini himoya qilish holati yuzasidan Vazirlar Mahkamasiga yuborilgan parlament so‘rovi natijalari shular jumlasidan.

“Oila kodeksiga o‘zgartish va qo‘shimchalar kiritish to‘g‘risida”gi qonunga ko‘ra, nikohni qayd etish bir oylik muddati va uni qisqartirish uchun asos bo‘luvchi holatlar bekor qilinmoqda. Nikohlanuvchi shaxslar majburiy tibbiy ko‘rikdan o‘tganidan so‘ng nikohni rasmiylashtirish tartibini belgilash ko‘zda tutilmoqda.

Shuningdek, Ma’muriy javobgarlik to‘g‘risidagi kodeks 206-1-moddasiga o‘zgartish kiritish orqali tazyiq o‘tkazgan va (yoki) zo‘ravonlik sodir etgan yoxud ularni sodir etishga moyil bo‘lgan shaxs tomonidan himoya orderi talablarini bajarmaslik uchun belgilangan jazo kuchaytirilmoqda.

Majlisda yengil sanoat va charm sanoati korxonalarida xotin-qizlar mehnat huquqlarini himoya qilish holati yuzasidan Vazirlar Mahkamasiga yuborilgan parlament so‘rovi natijalari ham ko‘rib chiqildi.

Majlisda ko‘rilgan masalalar bo‘yicha qo‘mita tegishli qarorlari qabul qilindi.