Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • Jahon | 13:58 / 17.08.2022
    23308
    5 daqiqa o‘qiladi

    Qrimdagi yong‘inlar, hali urushdan bexabar baxmutlik ayol. Urush suratlari

    16 avgust kuni Qrim shimolidagi o‘q-dorilar saqlangan omborda davomli portlashlar sodir bo‘ldi. Elektrostansiya, temiryo‘l, shuningdek, aholi turar joylari ham shikastlangan. Rossiya mudofaa vazirligi ukrainlar tomonidan diversiya uyushtirilganini ma’lum qildi, Ukraina prezidenti ofisi maslahatchisi Mixail Podolyak esa bunday «diversiya»lar soni oshishda davom etishini aytdi. Ukrainada maktab dasturidan rus tili va rus adabiyoti chiqarib tashlandi, tarix bo‘yicha kurslarga esa «rashizm» atamasi qo‘shildi. Finlandiya sentabrdan rossiyaliklar uchun turistik vizalar berishni o‘n baravarga kamaytirmoqchi. Latviyadagi hukmron koalitsiya rossiyaliklar uchun berilgan rezidentlik kartalari ayrim holatlardagina uzaytirib berilishi bo‘yicha kelishib oldi.

    Quyida 16 avgust kuni, urushning 174-kunida Ukrainaning turli hududlarida olingan suratlar.

    Kunning asosiy voqeasi. Qrimda yongan harbiy omborxonalar

    Mayskoye aholi punkti (Qrimning Jankoy rayoni)dagi harbiy omborlar hududida yong‘in tutuni. Portlashlar tonggi soat oltida boshlangan va bir necha soat davom etgan
    Sergey Malgavko / TASS
    Rossiya harbiylari, politsiyachilar, FVV xodimlari Azovskoye posyolkasida (u Mayskoyega yondosh joylashgan). Shu kuni, 16 avgustda, Jankoyda transformator nimstansiyasi ham yonib ketdi. Foto: Sergey Malgavko / TASS
    Azovskoye posyolkasida avtobus orqali evakuatsiya qilinayotgan bolalar. Mahalliy rasmiylar harbiy omborlardagi portlashlardan keyin aholini xavfsiz joyga ko‘chirishga qaror qilgan. Qrim rahbari Sergey Aksenovning so‘zlariga ko‘ra, atrofdagi besh kilometrlik hududida yashovchi odamlar qo‘shni qishloqlardagi maktablarga joylashtirilgan. Jami uch ming kishi evakuatsiya qilingan. Foto: Sergey Malgavko / TASS

     Donbass shimoli

    Donbass, Udachnoye stansiyasi. G‘arbiy Ukrainaga ketayotgan evakuatsiya poyezdidan qarayotgan qizaloq. Ukraina hukumati iyul oyida Donetsk oblastidan majburiy evakuatsiya boshlanishini e’lon qilgandi. Oblastning Ukraina nazoratida qolgan qismida gaz quvurlari buzilib ketgan, shu tufayli qishda isitish tizimi ishlamaydi
    Anatolii Stepanov / AFP / Scanpix / LETA
    Ukraina armiyasi kapitani Svetlana (chapda) va ko‘ngilli harbiy Irina (o‘ngda) Donbassdagi front chizig‘ida. Ukraina qurolli kuchlarida 50 mingdan ortiq harbiy xizmat qiladi, shundan besh mingdan ortig‘i — frontda.
    Metin Aktas / Anadolu Agency / ABACAPRESS / ddp images / Vida Press
    Donbassdagi Baxmut yaqinida rossiyaliklardan o‘lja olingan BTRda ketayotgan ukrain harbiylari. 16 avgust kuni ham Rossiya qo‘shini Baxmutga yurish qilishda davom etdi. Foto: Nacho Doce / Reuters / Scanpix / LETA
    Slovyansk o‘qqa tutilishi oqibatida yong‘in chiqqan uyda leyka (suv sochadigan jo‘mrakli chelak) bilan olovni o‘chirishga urinayotgan erkak. Shahar meri Vadim Lyax 16 avgustga o‘tar kechasi Slavyanskka zarbalar yo‘llanganini ma’lum qildi — bir necha mikrorayonlar va pedagogika universiteti yotoqxonasi jabrlangan. Qurbonlar haqida xabar berilmagan.
    Metin Aktas / Anadolu Agency / ABACAPRESS / ddp images / Vida Press
    Kramatorskdagi uyi o‘rnida cho‘kkalab o‘tirgan kishi. Bu videoda tungi zarbalar vaqtida aholi uylari vayron bo‘lganini ko‘rish mumkin. Kramatorsk meri Oleksandr Goncharenko qurbonlar bo‘lmaganini xabar qilgan 
    Metin Aktas / Anadolu Agency / ABACAPRESS / ddp images / Vida Press
    Kramatorskdagi vayron bo‘lgan uylar orasida itini sayr qildirayotgan ayol
    David Goldman / AP / Scanpix / LETA
    96 yoshli Mariya Tkachenko Baxmut yaqinidagi uyida karavotda yotibdi. Uning uyi front chizig‘idan 20 kilometr masofada joylashgan. Nabiralarining so‘zlariga ko‘ra, Mariya urush boshlangani haqida hech narsa bilmaydi — qarindoshlari unga harbiylar mashg‘ulot o‘tkazayotganini aytishgan.
    Nacho Doce / Reuters / Scanpix / LETA
    #Ukraina #urush suratlari

    Rossiya-Ukraina urushi

    2022 yil 22 fevral kuni Rossiya Ukraina chegarasidan o‘tib, qo‘shni mamlakatga bostirib kirdi. Ukraina armiyasi jang taklif qildi.

    Mavzuga oid

    19:02

    The Guardian: Buyuk Britaniya hukumat almashganidan keyin Ukrainaga raketalar yetkazishni to‘xtatdi

    13:30

    Tramp yutsa urushni bir sutkada to‘xtatishni va’da qilgandi. U yutdi - xo‘sh?

    23:26 / 09.11.2024

    “G‘arbning geosiyosiy ochko‘zligi kelishmovchiliklar bosh sababi” – Putinning “Valday”dagi chiqishi

    17:00 / 09.11.2024

    The Telegraph: Tramp rejasi Britaniya qo‘shinlarini Ukraina chegarasiga joylashtirishni nazarda tutadi