Qoʻshimcha funksionallar
-
Tungi ko‘rinish
Toshkent xalqaro va mahalliy aeroportlari o‘rtasida avtobus qatnovi yo‘lga qo‘yildi
Toshkent aeroportining mahalliy va xalqaro aviaqatnov terminallari o‘rtasida bepul avtobus qatnovi test rejimida yo‘lga qo‘yildi. UzPort stikerli avtobus har kuni soat 05:00dan 23:30 gacha xizmat ko‘rsatadi.
Foto: Uzbekistan Airports
Bu haqda xabar bergan Uzbekistan Airports matbuot xizmati ayni masalada yo‘lovchilardan ko‘plab murojaatlar tushganini qayd etgan.
“Yo‘lovchilar ayrim hollarda terminallarda adashtirib noto‘g‘ri terminalga kelishadi. Shahardagi terminallar orasidagi masofa taxminan 4 km. Tezkor usul – taksidan foydalanish, ammo taksi narxi har doim ham barcha toifadagi fuqarolar uchun maqbul emas”, – deyiladi xabarda.
Ma’lum qilinishicha, terminallararo avtobus har soatda, jadvalga muvofiq harakatlanadi.
Avtobus xalqaro aviaqatnovlar terminalida jo‘nab ketish zali yonidagi to‘xtash joyida, avtobuslar uchun ajratilgan yo‘lak bo‘ylab harakatlanadi. Mahalliy terminalda esa kirish eshigi yonigacha boradi.
Avtobus xizmatlaridan hamma barcha xohlovchilar mutlaqo bepul foydalanishi mumkin, deyiladi rasmiy relizda.
Mavzuga oid
20:31 / 20.03.2025
Toshkent aeroportida yangi yuk terminali ochildi
16:16 / 15.03.2025
Andijon xalqaro aeroportida aerodrom rekonstruksiyasining 1-bosqichi yakunlandi
12:22 / 08.12.2024
Ikki xil munosabat ostida qolgan aviaspotterlar: ularga yaratilayotgan imkoniyatlar va muammolar
12:02 / 02.11.2024