Quyi Chirchiqdagi mudhish qotillik. Ayolning o‘ldirilishiga uchastkavoyning beparvoligi sabab bo‘lgani aytilmoqda

Eri tomonidan begona bolalar ko‘z o‘ngida kaltaklangan 24 yoshli ayol ertasi kuni o‘z bolalari ko‘z o‘ngida pichoqlab o‘ldirildi. Ayol kaltaklanganidan keyin uning yaqinlari IIBga murojaat qilgan. Lekin profilaktika inspektori daladagi ishlarini bahona qilib, huquqbuzarga chora ko‘rmagani aytilmoqda. Kun.uz muxbiri hodisa sodir bo‘lgan mahallada bo‘lib, voqea tafsilotlarini o‘rgandi.