Ukrainaning bosib olingan hududlarida Rossiya tomoniga o‘tgan amaldorlar o‘ldirilmoqda. Ro‘yxat kengaymoqda

Rossiya bosqinini qo‘llab-quvvatlagan va Moskva tomonidan istilo qilingan hududlardagi vaqtinchalik ma’muriyatlardagi lavozimlarga tayinlangan ukrain amaldorlariga suiqasdlar uyushtirilayotgani haqidagi xabarlar urushning ilk davridayoq paydo bo‘la boshlagandi. So‘nggi vaqtlarda esa bunday xabarlar soni ortdi - bu Ukraina qurolli kuchlari Xerson oblastida qarshi hujum boshlagani haqidagi xabarlar fonida yuz bermoqda.