Putin Samarqanddagi ShHT sammitida ishtirok etadi

O‘zbekistonda bo‘lib o‘tadigan Shanhay hamkorlik tashkiloti (ShHT) sammitida Rossiya prezidenti Vladimir Putin shaxsan ishtirok etadi.

Foto: kremlin.ru

Bu haqda uning matbuot kotibi Dmitriy Peskov ma’lum qildi.

«Putin haqiqatan ham Samarqandda bo‘lib o‘tadigan ShHT sammitida ishtirok etishni rejalashtirmoqda, biz juda muhim va o‘ziga xos nufuzli tadbirni kutmoqdamiz. Darhaqiqat, Putin u yerda bir qancha muhim xalqaro uchrashuvlarni rejalashtirmoqda», — dedi Peskov.

15 va 16 sentabr kunlari Samarqandda bo‘lib o‘tadigan ShHT sammitida tashkilotga a’zo mamlakatlarning barcha rahbarlari ishtirok etishi kutilmoqda. Eron va Belarus ham tashkilotga a’zo bo‘lish niyatida.