Hokimlar qarorlari haligacha shaffof emasligi hokimlik va iqtisodchi o‘rtasida bahs keltirib chiqardi

Iqtisodchi Otabek Bakirov Toshkent shahar hokimi bitta mahallaning yoritish tizimi uchun 2 mln dollar ajratgani haqida yozdi. Hokimlik matbuot xizmati buni rad etib, iqtisodchi-tanqidchi “ming barobarga adashgani”ni bildirdi. Shu bahs bahonasida ma’lum bo‘lishicha, hokimliklarning 1 800 dan ortiq qaror va farmoyishlari asossiz ravishda ochiq e’lon qilinmagan.