Oyog‘imizga tushov bo‘layotgan rahmdillik: Tamagirni ishdan haydatib mahallasida yuzi qora bo‘lgan yigit hikoyasi

Siz o‘z ishiga mas’uliyatsiz, tamagir yoki poraxo‘r bo‘lgan biron kimsaning ishdan olinishiga sabab bo‘lganmisiz? Yo‘q deysizmi? Unda shu ishni bir qilib ko‘ring, mahallangizda yoki yashayotgan muzofotingizda nomingiz qora bo‘ladi. Eng avval «poraxo‘rlik va korrupsiya avj oldi, davlatning va fuqarolarning haqqini yeyish ko‘paydi» deydiganlarning ayrimlari sizni qoralaydi. Hatto, ko‘cha-ko‘yda betingizga so‘kib qolishi ham mumkin.