“Asos bo‘lgan hujjat qalbaki, undirilayotgan 500 ming dollar esa haqiqiy” - sud kafillikka aloqasi bo‘lmagan mulkdorni jazolamoqda

Joriy yilning 18 avgustida Xalq bankining kreditni foizlari bilan qaytarishga oid da’vo arizasiga ko‘ra, Jizzax tumanlararo iqtisodiy sudi sudyasi Asatov raisligida ochiq sud majlisi bo‘lib o‘tdi. Nari borsa 20 daqiqa davom etgan sud jarayonida hujjatlarga ko‘ra qo‘shimcha javobgar bo‘lgan “Denta-Servis” xususiy korxonasidan 500 ming dollar undirish haqida qaror chiqarib yuborildi. Eng qizig‘i, na korxona, na uning rahbarining bu kreditga aloqasi bo‘lgan. Sud chiqargan qaror esa mutlaqo aqlga sig‘maydi.