Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • Jahon | 14:59 / 19.09.2022
    21642
    4 daqiqa o‘qiladi

    Xarkivda Rossiya armiyasidan qolgan qamoqxonalar va og‘ilxonaga aylangan cherkov. Urush suratlari

    Xarkiv oblastining ozod etilgan qismlarida yarim oy davom etgan istilo vaqtidagi harbiy jinoyatlar izlari aniqlanishi davom etmoqda. Kozacha Lopan posyolkasidagi yerto‘lalarda, Ukraina hukumati ma’lumotiga ko‘ra, so‘roqlar uchun kamera va qamoqxona tashkil etilgan. Malaya Kamishevaxa qishlog‘ida rossiyalik harbiylar Avliyo Troitskiy ibodatxonasidan dala hospitali sifatida foydalanishgan. Izyumda shahar rossiyaliklar tomonidan ishg‘ol etilgan vaqtda halok bo‘lganlarning jasadlarini eksgumatsiya qilish jarayoni davom etmoqda. Xarkiv oblasti prokurori Oleksandr Filchakov 16 sentabr kuni «Nastoyashcheye vremya» efirida aytishicha, urush qurbonlari ko‘milgan hududdan tinch aholi vakillari bo‘lgan 445 kishi qabri va Ukraina harbiy xizmatchilarining bitta umumiy qabri aniqlangan.

    Quyida 18 sentabr, urushning 207-kunida Ukrainaning turli hududlarida olingan suratlar.

    Kozacha Lopanda yerto‘lalardagi turma

    Ukraina favqulodda vaziyatlar bo‘yicha davlat xizmati xodimlari qum to‘ldirilgan qoplar bilan o‘ralgan vokzal yerto‘lasiga kirmoqda. Ukraina rasmiylariga ko‘ra, Xarkiv oblastining ozod etilgan Kozacha Lopan posyolkasidagi bu yerto‘ladan Rossiya istilosi vaqtida so‘roqlar o‘tkazish joyi sifatida foydalanilgan.
    Leo Correa / AP / Scanpix / LETA
    Temiryo‘l vokzali yerto‘lasidagi xona. Ukrain rasmiylariga ko‘ra, bu joyda rossiyalik harbiylar mahalliy aholi vakillarini so‘roq qilgan.
    Viktoriia Yakymenko / Reuters / Scanpix / LETA
    Darvozasiga Z harfi bitilgan imorat. Ukrain rasmiylariga ko‘ra, bu binoda Rossiya harbiylari Kozacha Lopan aholisi vakillari qiynoqqa solingan qamoqxona tashkil etishgan.
    Viktoriia Yakymenko / Reuters / Scanpix / LETA
    Ukraina rasmiylari Rossiya istilosi vaqtida qiynoq kamerasi sifatida foydalanilganini aytgan yerto‘ladagi ko‘rpa-to‘shaklar.
    Leo Correa / AP / Scanpix / LETA
    Odamlar qiynoqqa solingani aytilayotgan yerto‘lada turgan ukrainalik askar.
    Leo Correa / AP / Scanpix / LETA

    Izyumdagi qabristonda eksgumatsiya

    Ukraina qurolli kuchlari tomonidan ozod qilingan Izyum shahrida jasadlarni eksgumatsiya qilish. Jasadlar ekspertizadan o‘tkazish uchun Xarkivga olib ketiladi. Mahalliy hokimiyat organlariga ko‘ra, eksgumatsiya ishlari taxminan ikki hafta vaqt oladi.
    Umit Bektas / Reuters / Scanpix / LETA

    Rossiya armiyasining Malaya Kamishevaxadagi tashlandiq dala hospitali 

    Xarkiv oblastining Malaya Kamishevaxa qishlog‘idagi Avliyo Troitskiy ibodatxonasi istilo vaqtida rossiyalik harbiylar tomonidan dala hospitaliga aylantirilgan. Foto: Yakiv Lyashenko
    Malaya Kamishevaxa qishlog‘idagi Avliyo Troitskiy ibodatxonasida «Tiva» yozuvi o‘yib tushirilgan stul. Tuva respublikasi Rossiyaning barcha regionlari orasida Ukrainada halok bo‘lgan askarlari soni aholi nisbatiga ko‘ra eng yuqori bo‘lgan hududdir.
    Foto: Yakiv Lyashenko
    Ukraina ichki ishlar vazirining sobiq birinchi o‘rinbosari Anton Gerashchenko cherkovdan olingan videoni e’lon qildi va unga shunday izoh yozib qoldirdi: «cherkov og‘ilxonaga aylantirildi».
    Foto: Yakiv Lyashenko

    Xarkiv oblastining ozod etilgan qismidagi hayot 

    Ukrain harbiylari tomonidan yaqinda ozod etilgan Izyumda vayron bo‘lgan bino oldida o‘tirgan kishi.
    Umit Bektas / Reuters / Scanpix / LETA
    Izyumlik 85 yoshli ayol o‘z uyi hovlisida taom pishirmoqda
    Umit Bektas / Reuters / Scanpix / LETA
    Izyumdagi ko‘p qavatli uy hovlisida tushlik qilayotgan olti yoshli bola .
    Umit Bektas / Reuters / Scanpix / LETA
    Xarkiv oblastining Prudyanka posyolkasida shikastlangan avtomobil
    Leo Correa / AP / Scanpix / LETA
    Ruska Lozova qishlog‘idagi uyda tomni tuzatayotgan kishi. Uning uyi hovlisida — okoplar qazilgan.
    Leo Correa / AP / Scanpix / LETA
    #Ukraina #urush suratlari

    Rossiya-Ukraina urushi

    2022 yil 22 fevral kuni Rossiya Ukraina chegarasidan o‘tib, qo‘shni mamlakatga bostirib kirdi. Ukraina armiyasi jang taklif qildi.

    Mavzuga oid

    18:22

    Rossiya Sumidagi keksalar pansionatiga zarba yo‘lladi - fotosuratlar

    14:50

    Germaniya yil oxirigacha Ukraina uchun yana 400 mln yevro ajratadi

    14:10

    Yevrokomissiya rahbari Kiyevga tashrif buyurishini ma’lum qildi

    12:50

    XEA: Qish Ukraina uchun jiddiy sinov bo‘ladi