O‘zbekiston doimiy aholi soni bo‘yicha MDHda uchinchi o‘rinni egalladi

2022 yilning 1 yanvar holatiga respublikadagi doimiy aholi soni 35,3 mln kishini tashkil etgan.

Davlat statistika qo‘mitasi ma’lumotlariga ko‘ra, 2022 yil 1 yanvar holatiga MDH davlatlarida doimiy aholi sonining foizdagi ulushi eng ko‘p Rossiyada kuzatildi – 51,3 foiz.

Undan keyingi o‘rinlarni mos ravishda 14,6 va 11,9 foizlik ko‘rsatkichga ega Ukraina hamda O‘zbekiston egalladi.

Ushbu ko‘rsatkich qolgan davlatlar kesimida quyidagicha ko‘rinish oldi:

• Qozog‘iston – 6,5 foiz;
• Ozarboyjon – 3,5 foiz;
• Belarus R. – 3,3 foiz;
• Tojikiston – 3,2 foiz;
• Qirg‘iziston – 2,3 foiz;
• Turkmaniston – 1,5 foiz;
• Armaniston – 1,0 foiz;
• Moldova – 0,9 foiz.