Rossiyada kinozallarning kamida yarmi yopilishi mumkin

Kelgusi oylarda «repertuar yetishmasligi» Rossiyadagi kinoteatrlar daromadi 80 foizga pasayishiga olib keladi va kinozallarning kamida 50 foizi yopilishi mumkin. Bunday baholar Federatsiyalar kengashining iqtisodiy siyosat bo‘yicha qo‘mitasi senatorlari tomonidan tayyorlangan hukumat qarori loyihasiga tushuntirish xatida keltirilgan. Hujjat matnidan parchalar 18 oktyabr, seshanba kuni Rossiya davlat agentliklari tomonidan berilgan. 

Qo‘mita Rossiya kinoteatrlariga xorijiy filmlarni Rossiyada mualliflik huquqi egalari bilan «litsenziyaviy kelishuvlarsiz» va «ularning roziligisiz» tarqatishga ruxsat berishni taklif qilmoqda. Shu bilan birga, «audiovizual asarlardan foydalanganlik uchun haq to‘lash» hali ham rejalashtirilgan. «Filmlarning ommaviy namoyishi» uchun to‘lovlar kinochiptalardan daromad ulushi sifatida - tomoshabinlar uchun pulli kirish bilan - 10 foiz bo‘ladi. Bepul ko‘rsatishda - nol rubl. 

Shuningdek, senatorlar Rossiya Jinoyat kodeksi va Ma’muriy javobgarlik to‘g‘risidagi kodeksning mualliflik huquqini buzish to‘g‘risidagi moddalarini xorijiy kontent foydalanuvchilariga nisbatan qo‘llamaslikni taklif qilishdi. 

Rossiyaning Ukrainadagi urushi tufayli Sony, Walt Disney, Warner Bros., BBC Studios, Universal Pictures va boshqa kinokompaniyalar rossiyalik foydalanuvchilar uchun filmlarni litsenziyalashni to‘xtatdilar. 

Bu yilgi ish natijalariga ko‘ra, kinoteatrlar umumiy zarari kamida 11,1 milliard rubl bo‘lishi mumkin. 2022 yil oxirigacha rus filmlarining kassa darajasi bo‘yicha maksimal prognoz 6,142 milliard rubldan oshmaydi.