Janubiy Koreyada Hellouinni nishonlash paytidagi tiqilinchda yuzdan ortiq odam halok bo‘ldi

Janubiy Koreya poytaxtida Hellouin bayramini nishonlash vaqtida yuz bergan tiqilinch oqibatida 120 kishi halok bo‘ldi, 100 dan ortig‘i yaralandi, deb xabar bermoqda Associated Press.

Hodisa Hemilton mehmonxonasi yaqinidagi tor xiyobonda sodir bo‘lgan, undan olomon o‘tib borayotganida tiqilinch yuz bergan.

Milliy yong‘inga qarshi kurash agentligi vakili Choy Chong Sek avvalroq shifokorlar kamida 60 nafar yaradorga tibbiy yordam ko‘rsatayotgani, qurbonlar soni ortishi mumkinligini aytdi.

Ba’zi mahalliy ommaviy axborot vositalari avvalroq tiqilinch Itaewon kafesi oldida yuz berganini ma’lum qildi. Xiyobondagi odamlar kafega mashhur shaxs kelganini eshitgach, u yerga qarab shoshilishgan.