Qoʻshimcha funksionallar
-
Tungi ko‘rinish
WSJ: G‘arb kompaniyalari qurol ishlab chiqarishni ko‘paytirmoqda
G‘arbning yirik qurolsozlik kompaniyalari Ukrainadagi urush fonida ortib borayotgan talabni qondirish uchun raketa-tashuvchilar, tanklar va o‘q-dorilar ishlab chiqarishni ko‘paytirmoqda.
Foto: Getty Images
The Wall Street Journal xabariga ko‘ra, Amerikaning Raytheon Technologies kompaniyasi Stinger zenit-raketa komplekslari ishlab chiqarishni ko‘paytirish uchun nafaqaga chiqqan xodimlarni ishga qaytargan. AQSh Qurolli kuchlari bunday tizimlarga 2008 yildan beri buyurtma bermagan edi.
Amerikaning Lockheed Martin konserni Javelin tankka qarshi tizimlarini ishlab chiqarishni ikki baravar oshirgan va HIMARS raketa tizimlarini ishlab chiqarishni 60 foizga oshirishni rejalashtirmoqda.
Dronlar, kuzatuv tizimlari va maxsus jihozlar ishlab chiqaruvchi L3Harris kompaniyasi Pentagondan Ukraina uchun 200 million dollarlik buyurtma olgan.
Germaniyaning Rheinmetall mudofaa konserni ijrochi direktori Armin Papperger so‘zlariga ko‘ra, kelgusi yilda ular bir qator yirik buyurtmalarni olishni kutmoqda. Ularni bajarish uchun kompaniya Ispaniyaning portlovchi moddalar ishlab chiqarishga ixtisoslashgan Expal Systems S.A firmasini 1,2 mlrd yevroga sotib olgan.
Qurolsozlar hukumatlardan o‘z xavfsizligini ta’minlash va ishlab chiqarish hajmini oshirish uchun yangi shartnomalarni tuzishni so‘ramoqda.
Mavzuga oid
18:24
Rossiya 30 kunlik otashkesimga rozi bo‘lmasa, qo‘shimcha sanksiyalarga duchor bo‘lishi mumkin
18:17
AQSh Ukraina bilan hududiy yon berish masalasini ham muhokama qilgani ma’lum bo‘ldi
17:27
Yevropa Ittifoqi AQSh yangi tariflariga javob choralarini qo‘lladi
16:24