Vyacheslav Volodin O‘zbekistonga keladi

Rossiya Federatsiyasi Federal majlisi Davlat dumasi raisi boshchiligidagi delegatsiya O‘zbekistonga keladi.

2022 yilning 27-28 noyabr kunlari Rossiya Federatsiyasi Federal majlisi Davlat dumasi raisi Vyacheslav Volodin boshchiligidagi delegatsiya mamlakatga tashrif buyuradi.

O‘zbekiston Qonunchilik palatasi xabariga ko‘ra, mazkur tashrif doirasida delegatsiya a’zolari Oliy Majlis Qonunchilik palatasi va Senatida uchrashuvlar o‘tkazishi rejalashtirilgan.

Muloqotlar chog‘ida tomonlar parlamentlararo hamkorlikning bugungi holati, istiqboldagi rejalarni muhokama qilishi aytilgan.

Shuningdek, ikki tomonlama aloqalarni yanada mustahkamlash va kengaytirish masalalari ham ko‘rib chiqilishi ma’lum qilindi.