Koronavirus: O‘zbekistonda kunlik holatlar soni fevraldagi darajaga qaytdi

O‘zbekistonda koronavirusga chalinish holatlari o‘sishi davom etmoqda. Sog‘liqni saqlash vazirligi so‘nggi bir kunda O‘zbekistonda koronavirusga chalingan bemorlar soni 160 nafardan oshgani haqida xabar qildi.

«2022 yil 3 dekabr holatiga ko‘ra, O‘zbekistonda koronavirus infeksiyasi qayd etilganlar soni 162 nafarni tashkil etmoqda», deyiladi xabarda.

Bu O‘zbekistonda 21 fevraldan buyon eng yuqori kunlik ko‘rsatkich hisoblanadi, o‘shanda 175 ta yangi holat qayd etilgandi.

Yangi kasallanish holatlarining:

• 5 nafari Qoraqalpog‘iston Respublikasida
• 1 nafari Andijon viloyatida
• 7 nafari Buxoro viloyatida
• 4 nafari Jizzax viloyatida
• 1 nafari Navoiy viloyatida
• 10 nafari Namangan viloyatida
• 10 nafari Samarqand viloyatida
• 2 nafari Surxondaryo viloyatida
• 7 nafari Farg‘ona viloyatida
• 6 nafari Xorazm viloyatida
• 20 nafari Toshkent viloyatida
• 89 nafari Toshkent shahrida koronavirusga chalingan bemorlar bilan muloqotda bo‘lganligi sababli namuna olingan fuqarolar orasida qayd etildi.

Ma’lumot uchun, noyabr oyi oxirida O‘zbekistonda koronavirusga chalinish holatlari o‘sa boshladi. 25 noyabr kuni iyun oyidan buyon kunlik kasallanish holatlari soni ilk bor 100 dan oshib, 124 kishiga kasallanish tashxisi qo‘yildi. Keyingi kunlarda faqat ko‘tarilish kuzatilmoqda, 1 dekabr kuni 159, 2 dekabr kuni 156 kishida kasallik aniqlangandi.