Bolalar o‘limi haqidagi ma’lumotlar Sog‘liqni saqlash vazirligidan yashirilgan - SSV
Sog‘liqni saqlash vaziri Behzod Musayev «Dok-1 MAKS» dorisini qabul qilgan bolalarning o‘limi haqidagi ma’lumotlar vazirlikdan yashirilganini aytdi. Shuningdek, farzandidan ayrilgan ota-onalarga hamdardlik bildirdi.
«Dok-1 MAKS» preparatining dozasini oshirib yuborish natijasida 18 nafar jajji farzandimiz olamdan o‘tdi. Sog‘liqni saqlash vazirligi va barcha tibbiyot xodimlari nomidan ularning ota-onalariga hamdardlik bildiramiz», — dedi vazir.
«Ushbu ma’lumotni Samarqand viloyat sog‘liqni saqlash mutasaddilari vazirlikdan yashirgan. Bizga bu ma’lumot kelib tushishi bilan o‘sha kuniyoq maxsus ishchi guruh tuzilib, har bir holat huquqni muhofaza qiluvchi organlar bilan birgalikda joyida o‘rganib chiqildi. Hozirgi kunda ushbu dori vositasini mamlakatimizda ro‘yxatdan o‘tkazgan, uni olib kelgan va sotuvida ishtirok etgan bir qancha shaxslar huquqni muhofaza qilish organlari tomonidan hibsga olindi. Ushbu holatga panja orasidan qaragan, o‘z vazifasiga loqaydlik qilgan, kerakli choralarni ko‘rmagan tibbiyot xodimlari, mas’ul shaxslar o‘z lavozimidan ozod etildi», dedi Musayev.
Avvalroq, DXX «Dok-1 MAKS» dorisi bilan bog‘liq voqealar bo‘yicha gumondor shaxslar hibsga olingani haqida xabar bergan edi.
Mavzuga oid
15:10 / 17.09.2024
“O‘zbek hamshiralari Germaniyaga 2200 yevro topgani jo‘natilmoqda” – Behzod Musayev
18:44 / 08.08.2024
2024 yil yakunigacha 2,1 mln kishi daromadli ish bilan ta’minlanadi - Behzod Musayev
15:41 / 08.08.2024
“126 ming nafar oliy ta’lim bitiruvchisi hali ish topolgani yo‘q” – Behzod Musayev
18:53 / 30.07.2024