Talabaning kundaligi: “Kontraktimni to‘lagan noma’lum odam”

Kontrakt to‘lashga bir so‘m pulim yo‘q, onamga qarayotgan vrach yozib bergan dorilar uchun harakat qilishim kerak edi. O‘ylay-o‘ylay o‘qishdan akademik ta’til olishga qaror qildim. Ta’til olish uchun ariza yozishga borganimda mening o‘qishim uchun shartnoma olib ketishganini va bir yillik pul to‘langanini bilib hayratda qoldim. Adashmovchilik bo‘lgandir, deb qayta-qayta tekshirtirdim – haqiqat!