O‘zbekistonda kasanachining har yilgi mehnat ta’tili muddati belgilanadi

Yangi tahrirdagi Mehnat kodeksi tasdiqlanishi munosabati bilan O‘zbekiston hukumatining ayrim qarorlariga o‘zgartirish va qo‘shimchalar kiritish to‘g‘risidagi qaror loyihasi e’lon qilindi.

Loyihada quyidagilar nazarda tutilgan:

• qarorning 2 va 5-bandlaridagi vazirlikning bugungi kundagi nomlariga o‘zgartirish;
• 6-bandida kasanachilikni qo‘llab-quvvatlash va rivojlantirish bo‘yicha ishchi komissiyalar tarkibini belgilash;
• qaror bilan tasdiqlangan nizomning 8-bandida fuqarolarning ayrim toifalari uchun ustuvor tartibni belgilash;
• 10-bandida kasanachilik asosida ishga qabul qilingan fuqarolarga elektron mehnat daftarchalari yuritilishini belgilash.
• 12-bandida kasanachilik faoliyati bo‘yicha ishlarni bajarish, tovarlar ishlab chiqarish yoki xizmatlar ko‘rsatish haqidagi fuqarolik-huquqiy shartnomalar, shu jumladan pudrat shartnomasi asosida tashkil etishga ruxsat etish;
• 14-bandida kasanachining elektron mehnat daftarchasi ish beruvchi tomonidan yuritilishi belgilash;
• 27-bandida kasanachining ish haqi mehnatga haq to‘lashning eng kam miqdoridan kam bo‘lmasligi va eng yuqori miqdor bilan cheklanmasligini belgilash;
• 36-bandida kasanachining har yilgi mehnat ta’tili muddatlarini belgilash;
• Vazirlar Mahkamasi qarori 1-bandida ish beruvchi va kasanachi o‘rtasida tuzilgan shartnomalar Davlat soliq qo‘mitasi Yagona elektron shartnomalar axborot portalida majburiy tartibda ish beruvchi tomonidan ro‘yxatdan o‘tkazilishini belgilash.